Лінкі ўнівэрсальнага доступу

Памерлі 638 чалавек, больш за 31000 хворых. У Генуі склікаюць форум для барацьбы з каранавірусам


Хворыя ў шпіталі горада Ухань, дзе пачалася эпідэмія новага каранавірусу. 5 лютага 2020 году
Хворыя ў шпіталі горада Ухань, дзе пачалася эпідэмія новага каранавірусу. 5 лютага 2020 году

На раніцу 7 лютага толькі ў Кітаі афіцыйна пацьвердзілі 31 161 выпадак заражэньня новым каранавірусам, 636 чалавек памерлі, паведамляе Дзяржаўны камітэт па ахове здароўя КНР.

Яшчэ ў 4833 чалавек падазраюць каранавірус. З 314 028 чалавек у Кітаі, якія мелі шчыльны кантакт з хворымі, 186 045 чалавек цяпер знаходзяцца пад наглядам лекараў.

Вырасла колькасьць тых, хто захварэў у 25 краінах па-за межамі Кітая: у Японіі — 86 чалавек, у Сынгапуры — 30, у Тайляндзе — 25, у Паўднёвай Карэі — 24, на Тайвані — 16, у Аўстраліі — 15, у Нямеччыне, ЗША і Малайзіі — па 12, у Віетнаме — 10, Францыі — 6, у Канадзе і ААЭ — па 5, у Гішпаніі, Фінляндыі, Швэцыі і Шры-Ланцы — па 1.

У Беларусі выпадкі заражэньня каранавірусам не зафіксаваныя.

Па ўсім сьвеце колькасьць хворых, у якіх дыягнаставалі каранавірус 2019-nCoV, перавышае 31,4 тысячы чалавек, памерлі агулам 638 чалавек.

СААЗ склікае міжнародны форум па барацьбе з каранавірусам

Сусьветная арганізацыя аховы здароўя (СААЗ) заявіла аб скліканьні глябальнага форуму па распрацоўках і інавацыях для таго, каб намаганьнямі ўсёй сусьветнай супольнасьці вырашыць праблему ўспышкі Ўханьскага каранавірусу, гаворыцца ў заяве на сайце СААЗ.

Форум адбудзецца ў Генуі (Італія) з 11 па 12 лютага, СААЗ арганізуе яго супольна з Глябальнай навуковай супольнасьцю па забесьпячэньні гатоўнасьці да інфэкцыйных захворваньняў.

На канфэрэнцыю ў Італіі зьбяруцца вучоныя, прадстаўнікі дзяржаўных мэдыцынскіх арганізацый, кіраўнікі міністэрстваў аховы здароўя і арганізацый, якія фінансуюць навуковыя распрацоўкі ў сфэры мэдыцыны. Гаворка, у тым ліку, будзе ісьці аб паскарэньні распрацоўкі вакцыны ад новага каранавірусу.

«Выкарыстаньне навуковых магчымасьцяў мае вырашальнае значэньне для кантролю над гэтай успышкай», — кажа генэральны дырэктар СААЗ Тэдрас Аданам Гебрэйесус. — Існуюць пытаньні, на якія нам трэба знайсьці адказы, і інструмэнты, якія мы павінны распрацаваць як мага хутчэй".

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG