Лінкі ўнівэрсальнага доступу

Афрыканскія СМІ напісалі пра беларускіх інструктараў у Кот-д’Івуары. Мінабароны абвяргае


Ілюстрацыйнае фота. Беларускі вайскоўца

Пра тое, што беларускія спэцыялісты будуць вучыць жандараў у афрыканскай краіне, першым паведаміла выданьне africaintelligence.com.

«Беларускія інструктары трэнуюць івуарыйскіх жандараў GEB» — такія загалоўкі зьявіліся ў шэрагу афрыканскіх СМІ. Крыніцай інфармацыі стала выданьне Africa intellegence. Паводле паведамленьня, беларусы прыбылі ў Кот-д’Івуар 3 лютага.

GEB — гэта падразьдзяленьне івуарыйскай жандармэрыі, на ўзбраеньні якога знаходзіцца цяжкая бранятэхніка. Як паведамляе выданьне RFRM, у 2018 годзе на вайсковым парадзе ў Абіджане былі заўважаныя бронеаўтамабілі «Кайман» беларускай вытворчасьці. Ці знаходзяцца яны на ўзбраеньні GEB, невядома.

У Міністэрстве абароны ўдзел беларускіх спэцыялістаў у падрыхтоўцы івуарыйскіх жандараў зьняпраўдзілі.

«Вайсковае ведамства не накіроўвала сваіх прадстаўнікоў у Кот-д’Івуар», — паведаміла Свабодзе афіцыйная прадстаўніца Мінабароны Натальля Гаўрусік.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG