Лінкі ўнівэрсальнага доступу

Летась Беларусь прыняла на 25% больш працоўных мігрантаў. Кім і адкуль прыяжджалі працаваць


Ілюстрацыйнае фота

За 2019 год амаль на чвэрць павялічылася колькасьць іншаземцаў, якія прыехалі ў Беларусь, каб уладкавацца на працу, паведамляе Міністэрства ўнутраных спраў.

Агулам у 2019 годзе ў Беларусь для працаўладкаваньня прыехалі 20,8 тысяч замежнікаў. Гэта на 4,7 тысячы больш, у параўнаньні з 2018 годам.

Найчасьцей працоўныя мігранты прыяжджалі ў Беларусь з Расеі — 6,7 тысяч чалавек, або кожны трэці спэцыяліст. Амаль кожны пяты працаўладкаваны — грамадзянін Кітаю (4,3 тысячы чалавек). На трэцім месцы — грамадзяне Ўкраіны (3,1 тысячы чалавек).

Таксама для працаўладкаваньня Беларусь абіраюць грамадзяне Казахстану, Армэніі, Азэрбайджану, Турцыі і Літвы. Па адным чалавеку за 2019 год у Беларусь прыехалі працаваць жыхары Буркіна-Фасо, Камэруну, Конга, Маўрытаніі, Уругваю, Трынідаду і Табага.

Больш за 5,6 тысячы працоўных мігрантаў мелі працоўныя спэцыяльнасьці, больш за 3 тысячы чалавек — кваліфікаваныя супрацоўнікі і спэцыялісты. Больш за 1,2 тысячы мігрантаў займалі кіроўныя пасады.

У сфэры абслугоўваньня задзейнічалі звыш 1,3 тысячы замежнікаў, у сельскай гаспадарцы — 428 чалавек.

Найбольш мігрантаў працаўладкавалася ў Менску, Горадзенскай і Менскай абласьцях. Найменш працаўладкаваных у Менскай вобласьці.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG