Ліга арабскіх дзяржаваў у суботу падтрымала пазыцыю Палестыны і адхіліла плян прэзыдэнта ЗША Дональда Трампа ў справе ўрэгуляваньня палестына-ізраільскага канфлікту.
Гэта было абвешчана на прэс-канфэрэнцыі пасьля тэрміновага паседжаньня кіраўнікоў МЗС міжарабскай супольнасьці.
Перад тым, выступаючы на паседжаньні, прэзыдэнт Палестынскай аўтаноміі Махмуд Абас абвясьціў аб спыненьні ўсіх дачыненьняў з Ізраілем і ЗША, у тым ліку ў сфэры бясьпекі.
