Лінкі ўнівэрсальнага доступу

Польшча купіла 32 амэрыканскіх зьнішчальнікі, якія амаль не заўважныя для радараў


 F-35A
F-35A

Урад Польшчы вырашыў набыць у ЗША 32 зьнішчальніка-бамбавіка F-35A Lightning II коштам 4,6 млрд даляраў. У пятніцу бакі падпісалі кантракт. Першыя машыны зьявяцца ў Польшчы ў 2026 годзе, піша Gazeta Wyborcza.

Як паведаміла Морган Ортагус, афіцыйны прадстаўнік Дзярждэпартамэнту, зьнішчальнікі набытыя ў рамках праграмы па продажах узбраеньня замежным узброеным сілам, якая курыруецца Дзяржаўным дэпартамэнтам.

«Мы аддаём належнае прэзыдэнту Дудзе, прэм’ер-міністру Маравецкаму і прыхільнасьці польскага ўрада працягваць мадэрнізацыю абароны Польшчы з дапамогай набыцьця самых дасканалых у сьвеце зьнішчальнікаў, што палепшыць здольнасьці Польшчы ўдзельнічаць у калектыўнай абароне і самаабароне», — заявіла Морган Ортагус.

Даўжыня F-35A — 15 мэтраў, размах крылаў — 11 мэтраў. Ён разьвівае хуткасьць звыш 2000 км/гадзіну. Польшча атрымае самалёт у вэрсіі F-35 Lightning II A з шасьцю ракетамі ў люках (звычайна іх чатыры). Перадавыя тэхналёгіі робяць зьнішчальнік амаль незаўважным для радараў.

Сёньня па ўсім сьвеце лётае амаль 500 машын такога тыпу. Яны ёсьць у арміяў дзевяці краін, у тым ліку Вялікабрытаніі, Італія і Нідэрляндаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG