Лінкі ўнівэрсальнага доступу

Мінадукацыі адрэагавала на траўмаваньне гомельскай школьніцы на ўроку


Гімназія 71 у Гомлі

Міністэрства адукацыі выступіла з нагоды канфлікту ў гімназіі № 71 Гомля. Бацькі трэцяклясьніцы напісалі ў міліцыю заяву на пэдагога, якая можа быць датычнай да траўмаваньня іх дачкі.

«Незалежна ад сукупнасьці абставінаў, рэакцыя пэдагога на паводзіны навучэнца была недапушчальнай», — выказалася Міністэрства адукацыі на афіцыйным сайце.

У ведамстве запэўніваюць, што неаднаразова нагадвалі пра недапушчальнасьць праяў агрэсіі альбо гвалту ў дачыненьні да непаўналетніх.

«З нагоды таго, што адбылося ў ДУА „Гімназія № 71 г. Гомля“, цяпер праводзіцца ўнутранае расьсьледаваньне, па выніках якога будуць прынятыя адпаведныя кіраўнічыя рашэньні», — гаворыцца ў паведамленьні.

Што адбылося ў гімназіі

Інцыдэнт у гімназіі № 71 здарыўся 21 студзеня. Па неафіцыйнай інфармацыі, настаўніца пачатковых клясаў, якая ў 2017 годзе мела званьне «Настаўнік году», на ўроку моцна тузанула вучаніцу 3-й клясы за вуха. Дзяўчынка зьвярталася па мэдычную дапамогу. Яе маці напісала заяву ў міліцыю.

47-гадовая настаўніца, якую бацькі вінавацяць у траўмаваньні дачкі, ужо тыдзень не працуе — яна на бальнічным.

Адзін з вучняў той самай трэцяй клясы расказаў, што здарэньне адбылося на ўроку матэматыкі.

«К. спачатку выклікалі да дошкі. Яна не рашыла прыклады. Потым мы самі рашалі, за партамі. І яна за палову ўрока нічога не напісала. А потым... У яе ўтварыўся шрам на вуху. Ну, настаўніца яе так пацягнула. Яна зачапілася вухам за парту», — расказаў школьнік.

Савецкі РАУС Гомля праводзіць праверку. Прызначана судова-мэдычная экспэртыза.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG