Лінкі ўнівэрсальнага доступу

ЗША і Канада ўвялі новыя санкцыі супраць Расеі


ЗША і Канада ўвялі санкцыі супраць тых, хто ўдзельнічае ў арганізацыі незаконных «выбараў» у анэксаваным Расеяй Крыме.

ЗША ў сувязі з расейскімі выбарамі ў Крыме і пачаткам чыгуначных зносін па Керчанскім мосьце ўвялі санкцыі супраць сямі чыноўнікаў:

  • Міхаіл Развазжаеў, часовы выканаўца абавязкаў старшыні расейскага ўраду Севастопаля,
  • Юрый Гацанюк, старшыня расейскага ўраду Крыму,
  • Уладзімір Немцаў, сьпікер расейскага парлямэнту Севастопаля,
  • Кацярына Албатаева, член Савету Фэдэрацыі Расеі з Севастопаля,
  • а таксама трое кіраўнікоў выбарчых камісій.

Акрамя таго, пад санкцыі трапіла маскоўская прыватная чыгуначная кампанія кампанія Grand Service Express, якая ажыцьцяўляе пасажырскія перавозкі паміж Расеяй і анэксаваным паўвостравам праз Керчанскі мост.

Санкцыі азначаюць замарожваньне кантраляваных ЗША актываў прыватных асобаў і кампаній з абмежавальнага сьпісу.

У Канадзе пра санкцыі супраць шасьці чалавек, датычных да незаконных выбараў у Крыме, аб'явіў міністар замежных спраў Франсуа-Філіп Шампань. Адпаведны дэкрэт замарожвае актывы і забараняе супрацоўніцтва з гэтымі людзьмі, забараняючы хоць каму ў Канадзе і канадцам за межамі Канады гандляваць з імі, рабіць ім фінансавыя і іншыя паслугі.

  • 29 студзеня Эўразьвяз таксама назваў імёны сямі чалавек, санкцыянаваных за арганізацыю і правядзеньне 8 верасьня 2019 году незаконных мясцовых «выбараў» у анэксаваным Расеяй Крыме.
  • Цяпер у санкцыйным сьпісе ЭЗ знаходзіцца 177 фізычных і 44 юрыдычныя асобы.
  • 8 верасьня 2019 году на тэрыторыі паўвострава, далучанага да парлямэнту Крыма і мясцовых уладаў, прайшло «галасаваньне».
  • У Міністэрстве замежных спраў Украіны назвалі «юрыдычна несапраўднымі» расейскія выбары на паўвостраве і заклікалі міжнародную супольнасьць даць «фундамэнтальную ацэнку» незаконным дзеяньням Расеі.
  • Эўрапейскі зьвяз не прызнаў расейскіх «выбараў» у Крыме і ў Севастопалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG