Лінкі ўнівэрсальнага доступу

Актывіста «Эўрапейскай Беларусі» пасадзілі на 15 сутак за акцыю ў абарону незалежнасьці


Актывіст Алесь Круткін

Полацкі актывіст Алесь Круткін пакараны 15 суткамі адміністрацыйнага арышту. Суд над ім прайшоў у закрытым рэжыме, паведамляе грамадзянская кампанія «Эўрапейская Беларусь».

Алесь Круткін асуджаны за ўдзел у акцыі ў абарону незалежнасьці, якая прайшла ў Менску ў сьнежні мінулага году. Інфармацыя пра вырак стала вядомая толькі пасьля таго, як яго даставілі ў полацкі ізалятар часовага ўтрыманьня.

Алеся Круткіна разам з актывісткай «Эўрапейскай Беларусі» Натальляй Сьпірыдонавай супрацоўнікі міліцыі затрымалі 27 студзеня ў Віцебску і абвінавацілі ў расклейваньні ўлётак «Калгаснай дактатуры — баста».

Сьпірыдонаву пасьля афармлення пратаколу вызвалілі праз тры гадзіны пад падпіску, Круткіна адправілі ў ізалятар.

28 студзеня Натальля Сьпірыдонава была аштрафаваная на 675 рублёў за ўдзел у леташняй антыінтэграцыйнай акцыі. Аналягічную суму ёй прысудзілі 23 студзеня — за публічны заклік выйсьці на снежаньскі пікет у Віцебску.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG