Лінкі ўнівэрсальнага доступу

У Ганконгу заявілі, што распрацавалі вакцыну ад новага каранавірусу


Ілюстрацыйнае фота. Хворы на каранавірус у бальніцы горада Ухань. 26 студзеня 2020 году

Навукоўцы з Ганконгу заявілі, што распрацавалі вакцыну ад новага каранавірусу, паведамляе South China Morning Post. Пачаць выкарыстоўваць яе, аднак, можна будзе толькі пасьля клінічных выпрабаваньняў.

«Мы ўжо выпрацавалі вакцыну, але тэставаньне на жывёлах зойме шмат часу», — сказаў экспэрт у інфэкцыйных хваробах прафэсар Юэн Квок-Юнг.

Паводле яго, выпрабаваньні на жывёлах будуць працягвацца некалькі месяцаў, яшчэ мінімум год спатрэбіцца, каб правесьці клінічныя выпрабаваньні на людзях, перш чым вакцыну можна будзе выкарыстоўваць.

Распрацоўку вакцыны ад новага каранавірусу таксама вядуць у Кітаі, ЗША і Аўстраліі. Работы пачаліся яшчэ 10 студзеня, калі кітайцы падзяліліся геномам віруса.

Аўстралійскія навукоўцы 29 студзеня заявілі, што стварылі ў лябараторыі копію новага каранавірусу, які выклікаў эпідэмію ў Кітаі, і паабяцалі падзяліцца ўзорам з Сусьветнай арганізацыяй аховы здароўя і лябараторыямі па ўсім сьвеце, каб паскорыць распрацоўку вакцыны.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

25 новых адказаў пра каранавірус ад Сусьветнай арганізацыі здароўя, мэдычных аўтарытэтаў і з найлепшай практыкі

Пашырэньне каранавірусу ў сьвеце. Гадзіна за гадзінай

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG