Лінкі ўнівэрсальнага доступу

У выніку землятрусу ў Турэччыне загінуў 31 чалавек, 1547 пацярпелі


Ратавальнікі эвакуююць раненую жанчыну пасьля землятрусу
Ратавальнікі эвакуююць раненую жанчыну пасьля землятрусу

Улады Турэччыны афіцыйна пацьвердзілі гібель 31 чалавека, жыцьці якіх забраў моцны землятрус.

Паводле інфармацыі Ўпраўленьня па прадухіленьні і ліквідацыі наступстваў надзвычайных сытуацый, ратавальнікам удалося дастаць з-пад завалаў жывымі 45 чалавек.

Паведамляецца, што цалкам разбурана 76 будынкаў, 643 сур'ёзна пашкоджаныя. Па мэдыцынскую дапамогу агулам зьвярнуліся 1547 чалавек, піша партал aa.com.tr.

Аляксандр Лукашэнка ў тэлеграме турэцкаму прэзыдэнту выказаў спачуваньне, адзначыўшы, што ў Беларусі «з глыбокім болем і смуткам» успрынялі паведамленьне пра землятрус і яго наступствы.

Падземныя штуршкі магнітудай 6,8 былі зафіксаваныя а 20.55 па мясцовым часе ва ўсходняй правінцыі Элязыг. Паведамляецца, што эпіцэнтар землятрусу знаходзіўся на глыбіні 10 кілямэтраў. Падземныя штуршкі адчуваліся ў многіх суседніх правінцыях краіны, а таксама ў Ізраілі, Іраку, Сырыі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG