Лінкі ўнівэрсальнага доступу

Турэччына выслала двух беларусаў па падазрэньні ў сувязях з тэрарыстамі

абноўлена

Сьцяг Турэччыны, ілюстрацыйнае фота

Дваіх грамадзян Беларусі 23 студзеня дэпартавалі з Турэччыны на радзіму, паведаміла ў Tвітэры Міністэрства ўнутраных спраў Турэччыны.

МУС Турэччыны падазрае іх у сувязі з тэрарыстычнымі арганізацыямі, беларусы названыя «баевікамі-тэрарыстамі».

Начальнік Дэпартамэнту па грамадзянстве і міграцыі Міністэрства ўнутраных спраў Беларусі палкоўнік Аляксей Бягун сказаў Свабодзе, што сумняецца, што высланыя людзі былі зьвязаныя з тэрарыстамі.

«Мы яшчэ правядзем праверку, але я сумняюся, што гэтыя людзі былі зьвязаныя з тэрарыстамі і з „Ісламскай дзяржавай“. Турэччына цяпер высылае ўсіх спрэс», — сказаў Аляксей Бягун.

Паводле яго, 24 студзеня МУС Беларусі праз прэс-сакратара зробіць афіцыйную заяву.

МЗС Беларусі пацьвердзіў Свабодзе, што двое грамадзян Беларусі сапраўды дэпартаваныя, ведамства аказвала судзеяньне ў ажыцьцяўленьні фармальных працэдур.

З 11 лістапада 2019 году Турэччына анансавала пачатак дэпартацыі баевікоў тэрарыстычнай групоўкі «Ісламская дзяржава» ў краіны іх паходжаньня. Пасьля гэтага, паводле МУС Турэччыны, з краіны ўжо выслалі 195 замежнікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG