Грэцкі парлямэнт 22 студзеня выбраў 64-гадовую юрыстку Катэрыну Сакелярапулю прэзыдэнтаў краіны.
Агенцтва Reuters паведамляе, што галасаваньне па кандыдатуры Сакелярапулю прадэманстравала «незвычайную аднадушнасьць» у наогул падзеленым грэцкім парлямэнце. Яе падтрымаў 261 дэпутат у 300-мандатным заканадаўчым органе, пры ніводным голасе «супраць».
Да гэтага часу Сакелярапулю кіравала Грэцкай дзяржаўнай радай, галоўным адміністрацыйным судом Грэцыі. Яна заступіць на сваю новую пасаду ў сакавіку, калі сканчаецца пяцігадовы тэрмін яе папярэдніка, Пракопіса Паўлёпуляса.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў