У Лепелі 20 студзеня абвясьцілі прысуд 24-гадовай Алене Харлянок, якая задушыла свайго 2-гадовага сына. Прысудзілі 13 гадоў калёніі агульнага рэжыму, піша Tut.by.
Што адбылося? Летась у траўні жанчына паведаміла міліцыі пра зьнікненьне свайго 2-гадовага сына, зь якім гуляла ў парку. Сілавікі вывучылі запісы камэр відэаназіраньня: жанчына была адна, бяз хлопчыка. Яго цела зайшлі ў гаражы. Экспэрты высьветлілі, што дзіця задушылі.
Жанчына прызналася, што задушыла сына цьвярозай. Да забойства хлопчык хварэў на прастуду 2 дні, маці лячыла яго сама, зьбівала тэмпэратуру, у шпіталь не зьвярталася. Сужыцель жанчыны сказаў, што выкіне дзіця ў хлеў, калі тое не перастане стагнаць.
Асуджаная тлумачыла, што ў той момант была цяжарная і знаходзілася ў дэпрэсіі, цярпела маральны гвалт ад сужыцеля. Праз паўтара тыдня пасьля арышту жанчына нарадзіла другога сына. Бацькоўскіх правоў яе пазбавілі.