Паліцыя ў Кракаве падчас дарожнай праверкі выявіла розьніцу ў больш чым мільён кілямэтраў паміж станам лічыльніка ў аўтамашыне і інфармацыяй з апошняга тэхнічнага агляду.
Польскія СМІ адзначаюць, што гэта абсалютны рэкорд у «адкручваньні назад» аўтамабільнага лічыльніка кілямэтраў у Польшчы.
Як паведамляецца, кіроўца праверанага паліцыяй «Мэрсэдэса» тлумачыў розьніцу тым, што ў аўтамашыне паставілі новы лічыльнік. Паліцыя правярае гэтае апраўданьне.
У Польшчы актуальныя паказаньні лічыльніка кілямэтраў у аўтамабілі з тэхнічнага агляду заносяцца ў агульнадаступны рэестар, і кожны можа гэтыя зьвесткі праверыць паводле рэгістрацыйнага нумару аўтамабіля.
