Улады кітайскага гораду Шанхай прыпынілі афіцыйныя кантакты са сталіцай Чэхіі, Прагай.
Як паведамляе Reuters, прычынай паслужыла падпісаньне дамовы аб партнэрстве паміж Прагай і горадам Тайпэй на Тайвані.
Раней мэр Прагі Здэнэк Грыб адмовіўся выключыць тайваньскага дыплямату са складу міжнароднай канфэрэнцыі на патрабаваньне кітайскіх уладаў. Над мэрыяй Прагі таксама вывешвалі сьцяг Тыбэту. У падзядзелак Грыб і мэр Тайпэю Ко-Вэнь-цзе падпісалі ў Празе дамову аб гарадах-пабрацімах.
Кітайскія ўлады лічаць Тайвань часткай КНР і аказваюць ціск на краіны, якія падтрымліваюць адносіны з Тайванем.
Чэскі прэзыдэнт Мілаш Зэман выказваўся за паляпшэньне адносінаў у Кітаем, але зрабіўся больш крытычным пасьля таго як у Чэхію не прыйшлі абяцаныя кітайскія інвэстыцыі. У нядзелю Зэман заявіў, што ня возьме ўдзелу ў саміце, які мае адбыцца ў Кітаі ў красавіку.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў