Прынцыпы дзяржаўнай эканамічнай палітыкі застануцца нязьменнымі, «як бы хто ні рыдаў і ні стагнаў, што камусьці патрэбныя перамены», заявіў кіраўнік Беларусі Аляксандар Лукашэнка падчас нарады з кіраўніцтвам Савета Міністраў.
Ён сказаў, што ў Беларусі ня будзе пераменаў, «накіраваных на злом той палітыкі, якая праводзіцца», паведамляе БелТА.
«Будуць выбары, будуць альтэрнатыўныя кандыдаты, прапануюць злом старой сыстэмы і новыя перамены — народ вызначыцца. Мы будзем мэтанакіравана рэалізоўваць задумы, якія ёсьць. І перамены гэтыя будуць абсалютна спакойнымі, не рэвалюцыйнымі», — сказаў Аляксандар Лукашэнка.
На нараду вынесены, сярод іншага, праект указу аб павышэньні эфэктыўнасьці працы дзяржаўных прадпрыемстваў. Сярод плянаваных захадаў — выключэньне зь дзейнасьці прадпрыемстваў нядобрасумленных формаў пасярэдніцтва.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў