11-гадовая дзяўчынка памерла падчас зарадкі тэлефона ў ванным пакоі. Здарэньне адбылося 11 студзеня ў Менскай вобласьці, піша Сьледчы камітэт.
Дзяўчынку без прыкмет жыцьця знайшоў у ванным пакоі бацька. Апэратыўнікі выявілі ў дзяўчынкі цялесныя пашкоджаньні, характэрныя для электратраўмы. Таксама ў пакоі быў усунуты ў разэтку падаўжальнік з падлучанай зараднай прыладай і мабільным тэлефонам.
Прыярытэтная прычына здарэньня — грэбаваньне правіламі бясьпекі, але падчас праверкі сьледчыя разглядаюць усе вэрсіі сьмерці. Прызначылі судова-мэдыцынскую экспэртызу.