67-гадоваму галівудзкаму прадусару Гарві Вайнтштэйну пагражае пажыцьцёвае зьняволеньне. На працэсе, які пачаўся ў Нью-Ёрку 6 студзеня, будуць разгледжаны два абвінавачаньні — у згвалтаваньні і ў прымусе да аральнага сэксу ў 2013 і 2006 гадах.
Увосень 2017 году дзесяткі жанчын пачалі абвінавачваць Вайнштэйна ў сэксуальных дамаганьнях рознага кшталту. Сярод тых, хто заявіў пра дамаганьні Вайнштэйна, — кіназоркі Анджэліна Джалі, Сальма Гаек, Гвінэт Пэлтраў і Эшлі Джад.
Вайнштэйн здаўся паліцыі ў траўні 2018 году і быў вызвалены пад заклад.
Пасьля справы Вайнштэйна зьявілася шмат публічных абвінавачваньняў у адрас іншых вядомых мужчын, што прывяло да пачатку сусьветнай кампаніі супраць сэксуальных дамаганьняў пад хэштэгам #MeToo.
