Лінкі ўнівэрсальнага доступу

Амбасада ЗША ў Іраку прыпыніла працу праз пратэсты


Ірацкія сілы бясьпекі перад амбасадай ЗША ў Багдадзе, 1 сьнежня 2020

Амбасада ЗША ў Багдадзе абвясьціла аб прыпыненьні працы з прычыны акцый пратэсту, якія праходзілі каля будынка дыпляматычнай місіі з 31 сьнежня.

Ірацкія сілы бясьпекі кантралююць тэрыторыю каля дыпляматычнага прадстаўніцтва, але грамадзянам ЗША рэкамэндуецца не набліжацца да будынка амбасады. Усе консульскія паслугі прапануецца вырашаць у генэральным консульстве ў горадзе Арбіл.

Праз пратэсты ў Іраку дзяржсакратар ЗША Майк Пампэо адклаў візыт у Казахстан, Узбэкістан, Беларусь, Украіну і Кіпр.

Прычынай беспарадкаў перад будынкам амэрыканскай дыпмісіі сталі авіяўдары амэрыканскіх вайскоўцаў па аб’ектах праіранскіх шыіцкіх фармаваньняў, у выніку якіх загінулі ня менш за 25 чалавек. Вашынгтон называе ўдары адказам на няспынныя атакі на амэрыканскія вайсковыя базы.

Прэзыдэнт ЗША Дональд Трамп абвінаваціў у атаках на пасольскі комплекс у Багдадзе Іран. Тэгеран абвінавачаньні адхіляе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG