Лінкі ўнівэрсальнага доступу

У Беларусь вернецца ўнікальная калекцыя прыжыцьцёвых выданьняў Ўладзіслава Сыракомлі. ФОТА


Уладзіслаў Сыракомля

На сайце амбасады Рэспублікі Беларусі ў Швайцарыі паведамляецца, што ў аднаго з прыватных калекцыянэраў куплена калекцыя прыжыцьцёвых і пасьмяротных выданьняў беларускага і польскага паэта ХІХ стагодзьдзя Ўладзіслава Сыракомлі.

У дар Нацыянальнай бібліятэцы Беларусі перададуць калекцыю прыжыцьцёвых і пасьмяротных выданьняў (больш за 50 кніг) беларускага паэта, гісторыка літаратуры і перакладніка Ўладзіслава Сыракомлі, сапраўднае імя Людвік Кандратовіч (1823, Бабруйскі павет — 1862, Вільня).

Кнігі былі купленыя ў рамках працы, скіраванай выяўленьне і вяртаньне нацыянальных культурных каштоўнасьцяў. Большасьці гэтых кніг у Беларусі раней не было.

Амбасада паведамляе, што ўнікальная калекцыя выданьняў і рарытэтаў, у ліку якіх арыгінал найрадчэйшага здымку Ўладзіслава Сыракомлі ў маладосьці, была набытая дзякуючы падтрымцы Ганаровага консула Беларусі ў Лязане Андрэя Нажэскіна.

На пярэднім пляне зьлева — намесьнік дырэктара Нацыянальнай Бібліятэкі Беларусі Алесь Суша
На пярэднім пляне зьлева — намесьнік дырэктара Нацыянальнай Бібліятэкі Беларусі Алесь Суша

Урачыстая цырымонія перадачы і прэзэнтацыя кніжнай спадчыны Сыракомлі мае адбыцца ў 2020 годзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG