Лінкі ўнівэрсальнага доступу

Міліцыянты знайшлі касьцюковіцкага ліцэіста, які жорстка абыходзіўся з катом

абноўлена

Касьцюковіцкі РАУС Магілёўскай вобласьці праводзіць праверку ўчынку навучэнца адной з навучальных установаў, які з размаху кінуў на асфальт ката.

Пра гэта напісала ў сваім Telegram-канале прэс-сакратар Міністэрства ўнутраных справаў Вольга Чамаданава.

Гэта навучэнец касьцюковіцкага прафэсійнага ліцэю №8, піша Tut.by са спасылкай на намесьніцу дырэктара ліцэя Ірыны Бабровай.

«Кот часта прыходзіць на тэрыторыю ліцэя, бо мы знаходзімся ў праватным сэктары. Я ўчора яго бачыла — ён здаровы, не кульгае і вядзе сябе як звычайна», — сказала Баброва.

Правы жывёлаў рэгулююцца артыкуламі Адміністрацыйнага і Крымінальнага кодэксаў Рэспублікі Беларусь. Першы прадугледжвае пакараньне ў выглядзе папярэджаньня або штрафу, другі — арышту.

Крымінальная адказнасьць за жорсткае абыходжаньне з жывёламі была ўведзена ў 2015 годзе і рэгулюецца артыкулам 339.1 КК. Тады ж супрацоўнікі міліцыі атрымалі права складаць пратаколы і прыцягваць да адказнасьці. Падстава — чалавек зьдзекуецца з жывёлы наўмысна і з падкрэсьленай жорсткасьцю.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG