Лінкі ўнівэрсальнага доступу

Як унучкі Аляксандра Лукашэнкі сустракаюць Новы год


Унучкі Аляксандра Лукашэнкі Дар'я (зьлева) і Анастасія. Скрыншот: СТВ

Сям'я сярэдняга сына Аляксандра Лукашэнкі, кіраўніка Прэзідэнцкага спартыўнага клюба Дзмітрыя Лукашэнкі напярэдадні Новага года наведала Дзівінскі дзіцячы дом. Сюжэт пра гэта паказалі ў эфіры тэлеканала СТВ.

«Дзеткі малайцы, добра падрыхтаваліся, прымалі актыўны ўдзел, што не можа не радаваць, — заўважыў Дзьмітры Лукашэнка. — Хачу ўсіх павіншаваць з надыходзячымі сьвятамі, Новым годам і Калядамі, пажадаць міру і дабра ў вашыя дамы».

Як распавяла ўнучка кіраўніка краіны Анастасія Лукашэнка, менавіта ў навагоднія сьвяты «можна сабрацца ўсёй дружнай сямʼёй і адзначыць іх разам».

«Мы звычайна зьбіраемся ў нас дома за сталом, вялікай сямʼёй, гатуем любімыя стравы, ямо, глядзім нейкія праграмы цікавыя, канцэрты», – дадала Дарʼя Лукашэнка.

У падарунак дзіцячаму дому сямʼя Дзьмітрыя Лукашэнкі прывезла разьвіваючыя гульні і канструктары.

У сямʼі ў сярэдняга сына Аляксандра Лукашэнкі трое дзяцей: дочкі Анастасія, Дарʼя і Аляксандра. Малодшай – пяць гадоў. Старэйшыя вучацца ў школе і займаюцца музыкай. Фартэпіянны дуэт Анастасіі і Дарʼі ня раз перамагаў у музычных конкурсах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG