Лінкі ўнівэрсальнага доступу

Прэзыдэнт Літвы: Расея ўсімі сіламі спрабуе перапісаць гісторыю


Гітанас Наўседа

Апошнім часам Расея ўсімі сіламі спрабуе перапісаць гісторыю, заявіў літоўскі прэзыдэнт Гітанас Наўседа. Пра гэта інфармуе агенцтва DELFI.

«Апошнім часам Расея ўсімі сіламі імкнецца перапісаць гісторыю. Адзін з такіх прыкладаў — адмаўленьне ўплыву тайных пратаколаў Пакту Молатава — Рыбэнтропа на балючую гісторыю Эўропы», — заявіў Гітанас Наўседа ў панядзелак на сваёй старонцы ў Фэйсбуку.

Ён нагадаў, што 30 гадоў таму, 24 сьнежня 1989 году, зьезд народных дэпутатаў Савецкага Саюзу прызнаў існаваньне таемных пратаколаў Пакту Молатава — Рыбэнтропа 1939 году і абвясьціў іх несапраўднымі.

«Гэтыя тайныя пагадненьні нацысцкай Нямеччыны і камуністычнага Савецкага Саюзу прадвызначылі пазьнейшую акупацыю Балтыйскіх краінаў», — напісаў Наўседа.

«Гістарычная памяць абумоўлівае ўспрыманьне будучыні. Давайце ня будзем забываць урокі, якія мы абавязаны вывучыць па ўласнай гісторыі і гісторыі Эўропы. Давайце ня будзем дапускаць замены праўды бутафорскімі хлусьлівымі шыльдамі», — адзначыў прэзыдэнт Літвы.

У пятніцу ў Санкт-Пецярбургу на сустрэчы з былымі лідэрамі краін, якія ўваходзілі ў СССР, Уладзімір Пуцін крытыкаваў нядаўна прынятую Эўрапарлямэнтам рэзалюцыю, якая абвінавачвае СССР і нацыстаў у тым, што падпісаньне Пакту Молатава — Рыбэнтропа ў 1939 годзе спрыяла Другой сусьветнай вайне.

Расейскі лідэр адзначыў, што ў СССР не было іншага выйсьця, як падпісаць дамову зь Нямеччынай, паколькі заходнія дзяржавы былі абыякавыя да прапановы Масквы сфармаваць ваенны альянс.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG