Паліцыя гораду Таронта ў Канадзе працягвае шукаць зьвесткі пра 41-гадовую Алу Асадчую, якую апошні раз бачылі вечарам 18 сьнежня.
Паліцыя выказвае занепакоенасьць аб яе бясьпецы.
Жанчыну апісваюць так: рост 5’10" (каля 178 см), вага каля 110 фунтаў (каля 50 кг), худы целасклад, прамыя цёмныя валасы. Была апранутая ў цёмна-сіняе зімовае паліто, чорныя штаны для ёгі і цёмна-сінія боты зь белым футрам.
Яе бачылі апошні раз 18 сьнежня а 9-й вечара ў раёне 12-й вуліцы і бульвара Lake Shore.
Ейная знаёмая зазначыла, што зьніклая беларуска — маці дваіх дзяцей.
