Лінкі ўнівэрсальнага доступу

У Варшаве пікетавалі амбасаду Беларусі з партрэтамі Пятра Маркелава. ФОТА


Вечарам 18 сьнежня ў Варшаве прайшоў пікет салідарнасьці з засуджаным у Менску актывістам Пятром Маркелавым.

Маркелаў патрабаваў пераліку галасоў на парлямэнцкіх выбарах, быў затрыманы і пакараны судом на 14 сутак арышту. Актывіст быў даверанай асобай кандыдата ў дэпутаты Стаса Шашка, які прадстаўляў «Моладзевы блёк».

Арганізатар акцыі Томэк Каладзейчук, польскі студэнт, зазначае:

«Маральны абавязак, калі хтосьці з маіх блізкіх затрыманы, то трэба пратэставаць супраць бяспраўных дзеяньняў дзяржавы».

«Яго зьняволеньне не адпавядае юрыдычным нормам і асноўным правам чалавека», — перакананы Каладзейчук.

Пратэстоўцы напісалі зварот да беларускіх уладаў, які перадалі ў амбасаду Беларусі ў Варшаве. У тэксьце выказваецца салідарнасьць з Паўлам Севярынцам, пакараным судом арыштам на 15 сутак за акцыі ў абарону незалежнасьці Беларусі ў Менску 7–8 сьнежня, і абурэньне ўмовамі ўтрыманьня Пятра Маркеклава ў турме на Акрэсьціна. (Павал Севярынец пакуль не пачаў адбываць свой арышт).

Польскія беларусы плянуюць акцыю і канцэрт «За Незалежнасьць» у Шчэціне 20 сьнежня, пікеты ў Варшаве і Торуні 21 сьнежня, паведаміў Свабодзе беларускі актывіст з Польшчы Францішак Цярэшка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG