Лінкі ўнівэрсальнага доступу

На старым мосьце ў Горадні адбылася акцыя за незалежнасьць Беларусі. ФОТА

абноўлена

Сабралася каля ста чалавек. Яны ўтварылі ланцуг уздоўж моста. Скандуюць «Жыве Беларусь» і «Незалежнасьць».

Рэй вядзе сябра БНК Мікалай Салянік. Праз гукаўзмацняльнік ён запрашае людзей на мітынг. Прысутнічае экс-кандыдат у дэпутаты Вадзім Саранчукоў, іншыя прадстаўнікі апазыцыі.

Сярод удзельнікаў — людзі зь дзецьмі, моладзь. Усё фіксавалі людзі ў цывільным.

Міліцыянт папярэдзіў пра адказнасьць за несанкцыянаваную акцыю. Аўтамабілі, што ехалі праз мост, актыўна падтрымлівалі ланцуг незалежнасьці.

Праз паўгадзіны пасьля пачатку акцыі яе ўдзельнікі спусьцілі на Нёмане плыт з рэзалюцыяй для кіраўнікоў Беларусі і Расеі. Плянуецца, што плыт даплыве да Балтыйскага мора.

Акцыя працягвалася каля гадзіны. Удзел узялі каля ста чалавек. Затрыманьняў не было, правакацый таксама.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG