Лінкі ўнівэрсальнага доступу

Афіцыйна ліквідаваная Ўкраінская праваслаўная царква Кіеўскага патрыярхату 


Мітрапаліт Епіфан

Украінская праваслаўная царква Кіеўскага патрыярхату і патрыярхія Украінскай аўтакефальнай праваслаўнай царквы спынілі сваё існаваньне. Пра гэта заявіў кіраўнік Праваслаўнай царквы Украіны (ПЦУ) мітрапаліт Епіфан, спасылаючыся на рашэньне Міністэрства юстыцыі.

Юрыдычна ліквідаваным цэрквам належалі каля 6 тысяч прыходаў па ўсёй Украіне. У канцы 2018 году яны ўвайшлі ў склад Праваслаўнай царквы Украіны, створанай пад заступніцтвам Канстанцінопальскага патрыярхату.

Супраць ПЦУ выступае Руская праваслаўная царква на чале з патрыярхам Кірылам. Там называюць стварэньне незалежнай ад Масквы ўкраінскай царквы «расколам у сусьветным праваслаўі».

Праз гэты канфлікт Маскоўскі патрыярхат спыніў малітоўныя зносіны з Канстанцінопальскай і Эладзкай цэрквамі, а большая частка расейскамоўных прыходаў у Заходняй Эўропе перайшлі ў РПЦ.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG