Лінкі ўнівэрсальнага доступу

У псыхіятрычным дыспансэры ў Смаргонскім раёне адбыўся пажар. Два чалавекі загінулі

абноўлена

Ілюстрацыйнае фота
Ілюстрацыйнае фота

Раніцай 12 сьнежня ратавальнікі ліквідавалі пажар у псыхіятрычным дыспансэры ў Смаргонскім раёне, паведамляе Горадзенскае абласное ўпраўленьне МНС.

Паведамленьне пра пажар у псыхіятрычным дыспансэры ў вёсцы Жодзішкі Смаргонскага раёну паступіла каля 8-й раніцы 12 сьнежня. Паводле папярэдняй інфармацыі, у фае на другім паверсе дыспансэра загарэўся тэлевізар.

Ратавальнікі, калі прыехалі на месца, знайшлі мёртвым 66-гадовага пацыента дыспансэра. Яшчэ адну жанчыну 1939 году нараджэньня вынесьлі з будынку, але празь некалькі гадзін яна памерла ў бальніцы.

На месца пажару прыехаў міністар аховы здароўя Ўладзімер Каранік і начальніца галоўнага ўпраўленьня аховы здароўя Горадзенскага аблвыканкаму Алена Краткова, паведаміла Міністэрства аховы здароўя.

Цяпер пацыентаў пераводзяць у іншыя ўстановы аховы здароўя: 25 чалавек ужо выехалі ў Горадзенскі абласны клінічны цэнтар «Псыхіятрыя-наркалёгія», абласную псыханэўралягічную бальніцу «Астроўля».

У кастрычніку 2003 годзе ў выніку пажару ў Казлоўшчынскім псыханэўралагічным дыспансэры на Горадзеншчыне загінуў 31 чалавек.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG