Салістка швэдзкага дуэту Roxette Гун-Мары Фрэдрыксан (вядомая як Мары Фрэдрыксан, Marie Fredriksson) памерла на 62-м годзе жыцьця, паведамляе газэта Expressen са спасылкай на яе мэнэджэра Мары Дымбэрг. Сьпявачка ад пачатку 2000-х гадоў змагалася з ракам.
Мары Фрэдрыксан пачала сольную кар’еру ў сярэдзіне 1980-х, а сусьветна вядомай стала як удзельніца Roxette побач з Пэрам Есьле (Per Gessle). Яна выпусьціла восем студыйных альбомаў, апошні — у 2013 годзе.
У 2016 годзе Мары Фрэдрыксан спыніла канцэртную дзейнасьць, але працягвала запісваць музыку.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў