Лінкі ўнівэрсальнага доступу

Ужо сёньня: Міжнародны дзень правоў чалавека


Ілюстрацыйнае фота. Пратэст у Ганконгу, 8 сьнежня

Падзеі 10 сьнежня ў беларускай і ўсясьветнай гісторыі.

Дата дня

10 сьнежня адзначаецца Міжнародны дзень правоў чалавека. У гэты дзень у 1948 годзе на Генэральнай Асамблеі ААН была прынятая Ўсеагульная дэклярацыя правоў чалавека.

Таксама ў гэты дзень

1520 — Марцін Лютэр публічна спаліў папскую булу пра адлучэньне яго ад царквы. З гэтага дня пачынаецца аддзяленьне пратэстантызму ад Каталіцкай царквы.

1901 — уручылі першыя Нобэлеўскія прэміі.

1963 — была ўведзена ў эксплюатацыю першая чарга калійнага камбінату ў Салігорску.

1991 — цэнтральны праспэкт Менску атрымаў новую назву ў гонар Францішка Скарыны.

Instagram Скарыны: Жыцьцё першадрукара ў 13 падарожжах

1991 — Вярхоўны Савет Рэспублікі Беларусь ратыфікаваў Белавескія пагадненьні аб спыненьні дзеяньня Саюзнай дамовы 1922 году і аб утварэньні СНД. Супраць прагаласаваў адзін дэпутат — былы сакратар ЦК КПБ і будучы старшыня Канстытуцыйнага Суду Валер Ціхіня.

2007 — пачалася трансьляцыя тэлеканалу «Белсат».

2015 — Сьвятлане Алексіевіч уручылі Нобэлеўскую прэмію ў літаратуры.

Прыхільнікі творчасьці Сьвятланы Алексіевіч сустракаюць яе ў міжнародным аэрапорце «Мінск», сьнежань 2015 г.
Прыхільнікі творчасьці Сьвятланы Алексіевіч сустракаюць яе ў міжнародным аэрапорце «Мінск», сьнежань 2015 г.

У гэты дзень нарадзіліся

1878 — Мікола Блёдуха, беларускі акадэмік, геоляг, дасьледчык карысных выкапняў Беларусі.

1892 — Павал Аляксюк, беларускі палітык, радны БНР, старшыня Беларускай вайсковай камісіі, кіраўнік ураду пры штабе генэрала Булак-Балаховіча.

1930 — Мікола Арочка, беларускі паэт і літаратуразнавец, аўтар гістарычных паэм «Курганьне», «Крэва», «Судны дзень Скарыны», «Каранацыя Мяндоўга».

1939 — Анатоль Белы, беларускі грамадзка-культурны дзяяч, навуковец, калекцыянэр, стваральнік прыватнага мастацкага музэю ў Старых Дарогах (створаны ў 1999 годзе).

Мікола Арочка, архіўнае фота
Мікола Арочка, архіўнае фота

У памяці

1896 — памёр Альфрэд Нобэль, швэдзкі хімік, інжынэр, вынаходнік дынаміту, заснавальнік Нобэлеўскай прэміі.

2006 — памёр Аўгуста Піначэт, чылійскі дыктатар.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG