Лінкі ўнівэрсальнага доступу

Ярмошына сказала, калі пойдзе ў адстаўку

абноўлена

Лідзія Ярмошына, 18 лістапада
Лідзія Ярмошына, 18 лістапада

Старшыня Цэнтральнага выбарчага камітэту Беларусі Лідзія Ярмошына вясной 2021 году плянуе пайсьці ў адстаўку. Пра гэта яна сказала журналістам 6 сьнежня ў Палаце прадстаўнікоў, піша БелаПАН.

Паводле Ярмошынай, паўнамоцтвы цяперашняга складу ЦВК завяршаюцца ў канцы 2021 года.

«Але паколькі ў канцы 2021 года будзе праходзіць выбарчая кампанія па выбарах дэпутатаў мясцовых саветаў, то яе павінен пачаць і праводзіць ужо новы склад ЦВК», — сказала яна.

Ярмошына падкрэсьліла, што падчас выбарчай кампаніі мяняць склад ЦВК нельга, нават калі заканчваецца тэрмін паўнамоцтваў.

«Таму вясной 2021 года я зьбіраюся зьвярнуцца да кіраўніка дзяржавы з прапановай аб зьмене складу ЦВК датэрмінова, гэта значыць за паўгоду да заканчэньня тэрміну паўнамоцтваў», — паведаміла яна.

Ярмошына ня будзе раіць свайго пераемніка, бо старшыня Цэнтрвыбаркаму — «палітычная пасада».

Ярмошына працуе старшынёй ЦВК ад 1996 году. Дагэтуль яе пасаду займаў зьніклы палітык Віктар Ганчар.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG