Лінкі ўнівэрсальнага доступу

Кітай увёў санкцыі супраць ЗША — праз падтрымку пратэстаў у Ганконгу


Дэманстранты ў Ганконгу са сьцягам ЗША

Кітай увёў санкцыі супраць ЗША і шэрагу няўрадавых арганізацый са штаб-кватэрай у ЗША. У паведамленьні МЗС КНР гаворыцца, што гаворка ідзе пра рэакцыю на «безадказныя паводзіны» з боку Вашынгтона і ўмяшаньне ва ўнутраныя справы Кітая ў сувязі з падзеямі ў Ганконгу.

Кітайскія ўлады маюць на ўвазе прыняты ў ЗША на днях закон аб абароне правоў чалавека і дэмакратыі ў Ганконгу, дзе ўжо больш за паўгода працягваюцца масавыя пратэсты супраць абмежаваньня аўтаноміі горада кітайскімі ўладамі.

Закон прадугледжвае ўвядзеньне санкцый у дачыненьні да кітайскіх і ганконскіх афіцыйных асоб, адказных за парушэньне правоў чалавека ў Ганконгу. Акрамя таго, ЗША ўвялі забарону на экспарт у Ганконг паліцэйскага абсталяваньня і тэхнікі, якія выкарыстоўваюцца для разгону дэманстрацыяў.

Улады Кітая з панядзелка прыпынілі разгляд запытаў на наведваньне Ганконга амэрыканскімі ваеннымі караблямі і самалётамі.

Акрамя таго, санкцыі ўведзеныя супраць арганізацыяў Human Rights Watch, Нацыянальнага фонду дэмакратыі і Freedom House. Кітайскія ўлады абвінавацілі іх у падтрымцы пратэстаў у Ганконгу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG