У Новым Арлеане (штат Луізіяна, ЗША) у нядзелю 1 лістапада адбыліся два інцыдэнты з стралянінай. Паводле The Wall Street Journal, у першым інцыдэнце параненыя 10 чалавек, а празь некалькі гадзін у іншай частцы гораду загінулі двое і яшчэ двое былі параненыя.
Цяпер улады ня зьвязваюць інцыдэнты паміж сабой.
Першая страляніна адбылася зранку ў гістарычным цэнтры гораду — папулярным у турыстаў Францускім квартале. Двое з 10 параненых там знаходзяцца ў крытычным стане. Пра арышт меркаванага нападніка не паведамлялася, як і пра магчымы матыў, але адзін чалавек затрыманы каля месца здарэньня.
Другая страляніна адбылася бліжэй да вечара ў жылым раёне. Дэталі пра загінулых, нападніка або стан параненых не раскрываюцца.
