Супрацоўнікі Гомельскай мытні выявілі спробу незаконнага ўвозу з Расеі дзьвюх партыяў насеньня сланечніка.
У двух грузавіках з расейскімі нумарамі знайшлі больш як 30 тонаў семак. Груз везьлі без належных суправаджальных дакумэнтаў. Мытнікі ацанілі партыю лузанцаў у больш як 20 тысячаў беларускіх рублёў.
Паводле ч.4 арт. 12.17 КаАП РБ, за такое парушэньне правілаў транспартаваньня тавараў юрыдычную асобу могуць пакараць штрафам у памеры да 50% цаны тавару — то значыць, да больш як 10 тысячаў рублёў. Далейшы лёс саміх семак не паведамляецца.
Два тыдні таму гомельскія мытнікі выявілі спробу незаконнага ўвозу з Расеі ў Беларусь кавуноў і пшаніцы, а месяц таму ў Беларусь з Расеі спрабавалі правезьці 20 тонаў кантрабанднай бульбы.
