Лінкі ўнівэрсальнага доступу

Памёр беларускі драматург Анатоль Дзялендзік


Анатоль Дзялендзік аўтар каля 30 п’есаў, па ягоным сцэнарам зьнялі 6 фільмаў, у тым ліку «Анастасію Слуцкую».

Пра сьмерць Анатоля Дзялендзіка ў сваім акаўнце ў facebook паведаміў рэжысэр Юрый Елхаў. Гэта адбылося 29 лістапада.

«Сёньня на 85 годзе пайшоў з жыцьця вядомы савецкі і беларускі пісьменьнік і драматург Анатоль Андрэевіч Дзялендзік. Вечная яму памяць!» — напісаў Елхаў.

Анатолю Дзялендзіку было 85 гадоў, ён нарадзіўся 4 сакавіка 1934 году ў вёсцы Кулакі, Салігорскага раёну. Анатоль Дзялендзік скончыў мэдыцынскі інстытут і 11 гадоў працаваў псыхіятрам. Таксама скончыў Літаратурны інстытут імя Горкага ў Маскве.

Пісаў на беларускай і рускай мове, у тэатрах па яго п’есах паставілі каля 30 спэктакляў.

Разам з рэжысэрам Юрыям Елхавым Анатоль Дзялендзік працаваў над гістарычным фільмам «Анастасія Слуцкая».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG