Лінкі ўнівэрсальнага доступу

Кіраўнік МЗС Нямеччыны: Эўропа ня зможа абараніць сябе без ЗША


Хайка Мас

Міністар замежных справаў Нямеччыны Хайка Мас лічыць, што падзяляць эўрапейскую і амэрыканскую бясьпекі «было б вельмі небясьпечна», і заклікае да стварэньня экспэртнай камісіі па рэформе NATO, паведамляе DW.

«Без Злучаных Штатаў у цяперашні час мы — ні ў Нямеччыне, ні ў Эўропе — ня ў стане забясьпечыць сабе эфэктыўную абарону», — заявіў Мас у аўторак, 26 лістапада, на Бэрлінскім зьнешнепалітычным форуме, арганізаваным Фондам Кёрбэра.

Сваёй заявай Мас дыстанцыяваўся ад францускага прэзыдэнта Эманюэля Макрона, які сказаў, што ў NATO зафіксавана «сьмерць мозгу». Макрон заклікаў Эўропу думаць пра сябе як пра самастойную геапалітычную сілу. Па словах кіраўніка нямецкага МЗС, «NATO жывая — з галавы да ног, нават калі ёй ставяць іншыя дыягназы».

Хайка Мас зноў адзначыў неабходнасьць скліканьня экспэртнай камісіі пад кіраўніцтвам Столтэнбэрга па рэформе альянсу. Яе задачай было б выпрацаваць прапановы па ўмацаваньні палітычнага супрацоўніцтва паміж чальцамі NATO.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG