У Празе ў раёне Летна зноў сабралася каля 300 тысяч чэхаў, якія запатрабавалі адстаўкі прэм’ер-міністра Андрэя Бабіша і міністра юстыцыі Марыі Бэнашавай.
Мітынг, на які сабраліся 300 тысяч чалавек, пачаўся а другой гадзіне дня і доўжыўся дзьве гадзіны. Удзельнікі акцыі абвінавачвалі прэм’ера ў датычнасьці да карупцыі і заклікалі апазыцыйныя партыі да ўмацаваньня свайго ўплыву на палітычнае становішча ў краіне.
Чэхі выказваюць асьцярогі, што непадкантрольнасьць прэм’ер-міністра дзяржаўным і грамадзянскім інстытутам можа прывесьці да адмовы эўрапейскіх партнэраў ад вылучэньня Чэхіі сродкаў з саюзных фондаў.
Пратэстоўцы падазраюць Андрэя Бабіша ў спробах уплываць на ход крымінальнага расьсьледаваньня па справе аб злоўжываньнях фінансамі, атрыманымі са сродкаў Эўрапейскага Зьвязу.