Лінкі ўнівэрсальнага доступу

Белы дом: ЗША не плянуюць выходзіць з альянсу з сырыйскімі курдамі


Дональд Трамп, архіўнае фота

Прадстаўнік адміністрацыі заявіў пра гэта напярэдадні сустрэчы Трампа з Эрдаганам.

Злучаныя Штаты не зьбіраюцца выходзіць з альянсу з сырыйскімі курдамі, якія ўваходзяць у склад Сырыйскіх дэмакратычных сілаў (СДС). Пра гэта ў аўторак заявіў высокапастаўлены супрацоўнік адміністрацыі. Раней Турэччына запатрабавала, каб Вашынгтон спыніў падтрымліваць курдзкіх баевікоў, якіх Анкара лічыць тэрарыстамі.

«У нас няма намеру спыняць гэтае супрацоўніцтва», — заявіў высокапастаўлены супрацоўнік Белага дома падчас тэлефоннай прэс-канфэрэнцыі, якая прайшла напярэдадні сустрэчы прэзыдэнта Дональда Трампа зь яго турэцкім калегам Таіпам Рэджэпам Эрдаганам.

Лідэры ЗША і Турцыі правядуць перамовы ў Белым доме ў сераду, 13 лістапада.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG