Лінкі ўнівэрсальнага доступу

«Спыніць Трампа». Майкл Блумбэрг уступіў у гонку за пасаду прэзыдэнта ЗША


Майкл Блумбэрг


Мільярдэр і былы мэр Нью-Ёрка лічыць, што ніхто зь цяперашняга шэрагу кандыдатаў ня ў стане перамагчы Дональда Трампа на прэзыдэнцкіх выбарах 2020 года.

77-гадовы Майкл Блумбэрг увечары ў пятніцу падаў дакумэнты на рэгістрацыю ў якасьці кандыдата ад Дэмакратычнай партыі ЗША на першасных выбарах у Алабаме, паведамляе ВВС.

Экс-мэр Нью-Ёрка падаў дакумэнты, неабходныя для ўдзелу ў гонцы ў апошні момант, але яшчэ не абвесьціў афіцыйна аб тым, што будзе змагацца за прэзыдэнцтва.

Раніцай у пятніцу Трамп у зьдзеклівай форме пракамэнтаваў паведамленьні аб намеры Блумбэрга балятавацца ў прэзыдэнты. «Няма нікога [сярод дэмакратаў], супраць каго мне больш хацелася б балятавацца, чым маленькі Майкл», — заявіў прэзыдэнт ЗША.

У цяперашні час у сьпісе Дэмакратычнай партыі намінацыі дамагаюцца 17 кандыдатаў.

Былы віцэ-прэзыдэнт Джо Байдэн, сэнатар ад штата Масачусэтс Элізабэт Уорэн і сэнатар ад штата Вэрмонт Бэрні Сандэрс лічацца фаварытамі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG