Прадстаяцель Александрыйскай праваслаўнай царквы патрыярх Феадор II абвясьціў пра прызнаньне незалежнай ад Маскоўскага патрыярхату Праваслаўнай царквы Ўкраіны (ПЦУ).
Пра гэта ён заявіў 8 лістапада ў Каіры. Ён ужо памянуў прадстаяцеля ПЦУ мітрапаліта Епіфанія падчас літургіі.
Александрыйская царква — трэцяя з 14 агульнапрызнаных праваслаўных цэркваў, якія прызналі незалежнасьць ўкраінскай. Раней гэта зрабілі Канстантынопальская праваслаўная царква (студзень 2019) і Грэцкая праваслаўная царква (кастрычнік 2019).
Александрыйскі патрыярхат — адзін з чатырох найстарэйшых гістарычных праваслаўных патрыярхатаў і адзін з самых паважаных у праваслаўным сьвеце, ён займае другое месца пасьля Ўсяленскага патрыярхату ў дыптыху — традыцыйным сьпісе памесных праваслаўных цэркваў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў