Лінкі ўнівэрсальнага доступу

Telegram-канал «Мая краіна Беларусь» захапілі махляры


Уладальнік Telegram-каналу «Мая краіна Беларусь» Сяргей Бяспалаў

Telegram-канал «Мая краіна Беларусь», які мае каля 18 тысяч падпісантаў, 7 лістапада скралі невядомыя.

Як паведаміў Радыё Свабода ўладальнік каналу Сяргей Бяспалаў, махляры прадставіліся рэклямадаўцамі букмэкера 1хbet. Яны нібыта хацелі замовіць рэкляму ў іншай суполцы Бяспалава, ЧП. ​

Яны папрасілі паказаць экран праз скайп, каб пацьвердзіць, што суполка сапраўды належыць Бяспалаву.

Прыблізна а 13-й гадзіне, пакуль той гэта рабіў, на ягоную пошту сталі прыходзіць паведамленьні аб зьмене паролю, і махляры ўсё гэта ўбачылі праз скайп, кажа Бяспалаў. Праз тры хвіліны невядомыя ўжо завалодалі акаўнтам, зьмянілі пароль, пошту і тэлефон, а потым выдалілі сам акаўнт і перанесьлі ўсе правы на іншы.

Бяспалаў кажа, што напісаў у тэхнічную падтрымку Telegram, але на момант гэтай публікацыі не атрымаў адказу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG