Лінкі ўнівэрсальнага доступу

У Літве пачаліся вучэньні з удзелам 11 краінаў NATO


На літоўскім палігоне Падбродзьдзе (Pabradė). Ілюстрацыйнае фота

Міжнародныя вучэньні «Жалезны воўк 2019» пачаліся 4 лістапада ў Літве. Як паведамляецца на сайце камандаваньня арміі Літвы, у вучэньнях возьмуць удзел амаль 4000 вайскоўцаў з 11 краін NATO, у тым ліку Бэльгіі, Чэхіі, Вялікабрытаніі, Эстоніі, ЗША, Польшчы, Нарвэгіі, Нідэрландаў, Партугаліі, Нямеччыны.

«Вучэньні будуць праходзіць на палігоне генэрала Сільвестраса Жукаўскаса ў Падбродзьдзі (Pabradė), дзе будзе прысутнічаць каля 1000 вайскова-тэхнічных падразьдзяленьняў», — гаворыцца ў заяве.

Асноўны этап вучэньняў будзе доўжыцца да 18 лістапада, а вяртаньне абсталяваньня на пастаянныя месцы дысьлякацыі заплянавана на 18–22 лістапада.

Паводле літоўскіх вайскоўцаў, асноўнай мэтай вучэньняў «Жалезны воўк» зьяўляецца супрацоўніцтва ў плянаваньні і правядзеньні наступальных і абарончых апэрацый.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG