Лінкі ўнівэрсальнага доступу

Ужо сёньня: 100-годзьдзе публікацыі гімну БНР


Герб Беларускай народнай рэспублікі

Падзеі 30 кастрычніка ў беларускай і сусьветнай гісторыі.

Дата дня

30 кастрычніка 1919 году ў газэце «Беларусь» апублікаваны верш Макара Краўцова «Мы выйдзем шчыльнымі радамі», які быў пакладзены на музыку і стаў гімнам БНР.

Таксама ў гэты дзень

1579 — адкрылі Віленскі ўнівэрсытэт.

1921 — афіцыйна адкрыўся Беларускі дзяржаўны ўнівэрсытэт. На той час ён меў два факультэты — мэдыцынскі і грамадзкіх навук.

1988 — у Менску ля Ўсходніх могілак і Курапатаў адбыліся шматтысячнае шэсьце і мітынг-рэквіем памяці ахвяраў сталінізму. Камуністычныя ўлады сілай разагналі акцыю.

З таго часу штогод у канцы кастрычніка — пачатку лістапада беларускія палітыкі ладзяць шэсьце і мітынг у Курапатах.

Што важна ведаць пра Дзяды

У гэты дзень нарадзіліся

1728 — Марцін Пачобут-Адляніцкі, беларускі астраном.

1871 — Поль Валеры, францускі пісьменьнік.

1885 — Эзра Паўнд, амэрыканскі паэт.

1936 — Генадзь Цыхун, беларускі мовазнавец.

У памяці

1936 — Фэрдынанд Рушчыц, беларуска-польскі мастак.

1937 — Тодар Кляшторны, беларускі паэт. Расстраляны НКВД.

1937 — Янка Нёманскі, беларускі пісьменьнік. Расстраляны НКВД.

1937 — Юлі Таўбін, беларускі паэт. Расстраляны НКВД.

1937 — Аляксандар Крыніцкі, савецкі партыйны і дзяржаўны дзяяч, першы сакратар ЦК КП(б)Б (1925–1927). Расстраляны НКВД.

Расстраляныя літаратары

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG