Лінкі ўнівэрсальнага доступу

Эўразьвяз пагадзіўся адкласьці Brexit да 31 студзеня


Брытанскі прэм'ер Борыс Джонсан

Краіны Эўрапейскага саюза пагадзіліся адкласці Brexit — выхад Вялікабрытаніі з ЭЗ — на 3 месяцы, да 31 студзеня 2020 года. Пра гэта паведаміў у твітары кіраўнік Эўрапейскай рады Дональд Туск.

Калі брытанскі парлямэнт ратыфікуе пагадненьне аб выхадзе з ЭЗ раней, чым 31 студзеня, Brexit можа адбыцца раней. Фармальна рашэньне аб адтэрміноўцы Brexit павінны прыняць паслы краін ЭЗ у Брусэлі. Па дадзеных агенцтва Reuters, гэта адбудзецца ў аўторак ці ў сераду.

Брытанскі прэм’ер Барыс Джонсан быў супраць адтэрміноўкі і быў гатовы вывесьці краіну з Эўразьвязу 31 кастрычніка нават без пагадненьня. Парлямэнт, аднак, абавязаў яго папрасіць ЭЗ аб адтэрміноўцы. Зараз лёс Brexit залежыць ад брытанскага парлямэнта.

Сёньня ён абмяркуе запыт Джонсана аб правядзеньні датэрміновых выбараў. Для яго ўхваленьня неабходна згода апазыцыйных лейбарыстаў. Аднак яны гатовыя яго даць толькі ў выпадку, калі Джонсан паабяцае, што Брытанія ня выйдзе з ЭЗ без пагадненьня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG