Лінкі ўнівэрсальнага доступу

Прадстаўнікі Каталіцкай Царквы ў Беларусі возьмуць удзел у перапахаваньні парэштак Каліноўскага


Могілкі Росы ў Вільні

У пятніцу 22 лістапада ў Вільні адбудзецца цырымонія дзяржаўнага перапахаваньня нацыянальнага героя Беларусі, Літвы і Польшчы Кастуся Каліноўскага і іншых удзельнікаў вызвольнага паўстаньня 1863–1864 гадоў.

Як паведамляе catholic.by, у цырымоніі возьмуць удзел Старшыня Канферэнцыі Каталіцкіх Біскупаў у Беларусі арцыбіскуп Тадэвуш Кандрусевіч, Мітрапаліт Мінска-Магілёўскі, а таксама прадстаўнікі Касьцёлу.

Жадаючыя ўзяць удзел у перапахаваньні кіраўнікоў і ўдзельнікаў паўстаньня пад кіраўніцтвам Кастуся Каліноўскага могуць атрымаць ільготную візу ў консульскім аддзеле пасольства Літоўскай Рэспублікі ў Беларусі.

Дзеля гэтага да 5 лістапада неабходна прайсьці індывідуальную рэгістрацыю, даслаўшы анкету на электронную пошту k1@urm.lt. Жыхары Гарадзенскай і Берасьцейскай абласьцей зьвяртаюцца ў Генэральнае консульства Літоўскай Рэспублікі ў Горадні.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG