Лінкі ўнівэрсальнага доступу

Ангельшчына: кіроўцу фуры, у якой знайшлі 39 целаў, абвінавацілі ў забойстве


Абвінавачаньне ў ненаўмысным забойстве 39 чалавек, знойдзеных у грузавіку ў ангельскім графстве Эсэкс, выстаўленае кіроўцу — 25-гадоваму жыхару Паўночнай Ірляндыі Мо Робінсану.

Паліцыя выявіла цела 31 мужчыны і 8 жанчын у грузавіку, прыпаркаваным у прамысловай зоне мястэчка Грэйс графства Эсэкс, у ноч на сераду.

У пятніцу паводле падазрэньня ў незаконнай перавозцы людзей і ненаўмысным забойстве былі затрыманыя два жыхары гораду Ўорынгтан (мужчына і жанчына, абаім па 38 гадоў), а таксама 48-гадовы мужчына з Паўночнай Ірляндыі, яго затрымалі ў аэрапорце Стэнстэд.

У суботу ў Дубліне быў затрыманы пяты падазраваны ў датычнасьці да гібелі людзей. Як паведамляецца, афіцыйна мужчына быў затрыманы ў сувязі зь іншым расьсьледаваньнем, аднак паліцыя Эсэксу мае намер яго дапытаць.

Раней Бі-Бі-Сі стала вядома, што сярод загінулых у грузавіку маглі быць грамадзяне Віетнаму.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG