Лінкі ўнівэрсальнага доступу

Брытанскі прэм'ер мае намер дамагацца ўсеагульных выбараў. Назваў дату


Брытанскі прэм’ер Барыс Джонсан гатовы даць парлямэнту дадатковы час на абмеркаваньне яго варыянту дамовы па Brexit, але толькі калі парлямэнт падтрымае правядзеньне ўсеагульных выбараў 12 сьнежня.

У інтэрвію Бі-бі-сі Джонсан сказаў, што чакае, што ЭЗ прадоўжыць адведзены на абмеркаваньне дамовы тэрмін, які павінен скончыцца 31 кастрычніка. Сам Джонсан супраць падаўжэньня і хоча, каб яго варыянт дамовы быў прыняты як мага хутчэй.

«Калі ім (чальцам парлямэнта) сапраўды трэба больш часу на вывучэньне гэтага пышнага дагавора, то яны яго атрымаюць — але толькі калі пагодзяцца на агульныя выбары 12 сьнежня», — сказаў ён.

Эўразьвяз павінен прыняць рашэньне аб працягу тэрміну абмеркаваньня дамовы ў гэтую пятніцу. Калі брытанскі парлямэнт атрымае дадатковы час да канца кастрычніка, прэмʼер, хутчэй за ўсё, зноў паспрабуе вынесьці дамову на абмеркаваньне парлямэнта.

Раней на гэтым тыдні Палата абшчын адмовілася ў тэрміновым парадку прымаць пагадненьне аб выхадзе Брытаніі з ЭЗ, пра якое Джонсан дамовіўся з лідэрамі Эўразьвязу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG