Лінкі ўнівэрсальнага доступу

Японскі імпэратар Нарухіта афіцыйна ўзышоў на пасад. ВІДЭА


Японскі імпэратар Нарухіта падчас афіцыйнай цырымоніі

Японскі імпэратар Нарухіта 22 кастрычніка афіцыйна абвясьціў сваё ўзыходжаньне на пасад у цырымоніі пры ўдзеле лідэраў больш за 170 краінаў сьвету.

59-гадовы Нарухіта, які вучыўся ў Оксфардзе, атрымаў паўнамоцтвы імпэратара пасьля таго, адрачэньня ад пасаду яго бацькі, імпэратара Акіхіта, 30 красавіка.

Японцы назіраюць за цырымоніяй на экране
Японцы назіраюць за цырымоніяй на экране

Імпэратрыца Масака, 55-гадовая жонка Нарухіта, зьяўляецца былым дыпляматам, вучылася ў Гарвардзе.

Імпэратрыца Масака
Імпэратрыца Масака

Падчас цырымоніі ўваходжаньня на пасад у Імпэратарскім палацы ў Токіё Нарухіта заявіў: «Я шчыра спадзяюся, што Японія будзе і ў далейшым разьвівацца і зробіць свой унёсак у сяброўства і мір міжнароднай супольнасьці, а таксама ў дабрабыт і росквіт людзей дзякуючы мудрасьці і няспынным намаганьням людзей».

Прэм’ер-міністар Японіі Сіндзо Абэ выступіў з прывітаньнем імпэратара, пасьля чаго пачуліся крыкі «Банзай», што азначае «Няхай жыве імпэратар».

Японія называе сябе найстарэйшай манархіяй сьвету, якой 2600 гадоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG