Лінкі ўнівэрсальнага доступу

Эўразьвяз адмовіўся пачаць перамовы аб уступленьні Альбаніі і Паўночнай Македоніі


У Македоніі чакалі паатку перамоваў.

Лідэры краін ЭЗ на саміце ў Брусэлі не прыйшлі да згоды адносна таго, каб пачаць перамовы аб уступленьні дзьвюх балканскіх краін — Альбаніі і Паўночнай Македоніі — у Эўрапейскі Зьвяз.

Супраць пачатку перамоваў з абедзьвюма краінамі выказалася Францыя. Данія і Нідэрлянды падтрымалі яе ў пытаньні аб Альбаніі.

Францыя настойвае, што балканскія краіны па-ранейшаму не вядуць неабходную барацьбу з карупцыяй і арганізаванай злачыннасьцю.

Такім чынам, перамовы аб пашырэньні ЭЗ у найбліжэйшы час ня будуць пачатыя.

Лідэры шэрагу краін ЭЗ выказалі сваё шкадаваньне ў сувязі з гэтым рашэньнем. пра сваю нязгоду зь ім заявіў і кіраўнік Эўрапейскай рады Дональд Туск. Прыхільнікі пачатку перамоў нагадваюць, што, у прыватнасьці, Паўночнай Македоніі прыйшлося пайсьці на балючыя меры, каб задаволіць патрабаваньні ЭЗ, у тым ліку зьмяніць афіцыйную назву.

У Альбаніі і Паўночнай Македоніі палітыкі заяўляюць пра сваё расчараваньне і рызыку дэстабілізацыі сытуацыі на Балканах, у тым ліку росту антыэўрапейскіх настрояў.

ЭЗ цяпер ўключае ў сябе 28 краін (неўзабаве, пасьля Брэксыту, іх можа стаць 27). Апошняй, якая далучылася да Эўразьвязу, краінай стала Харватыя ў 2013 годзе.

Паўночная Македонія і Альбанія застаюцца афіцыйнымі кандыдатамі ў члены ЭЗ. Перамовы аб уступленьні зараз вядуцца з Сэрбіяй і Чарнагорыяй, фармальна таксама з Турэччынай, хоць зь ёй яны фактычна замарожаныя.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG