Лінкі ўнівэрсальнага доступу

«Шчасьлівыя жыць у дыктатуры». Анархісты правялі акцыю ў Менску

абноўлена

Тры дзяўчыны і два хлопцы ў грыме Джокера выйшлі да гатэлю Mariott з плякатам «Мы такія шчасьлівыя жыць у дыктатуры». У гэты час у гатэлі праходзіў міжнародны форум «Менскі дыялёг». Сёньня на ім выступіў міністар замежных спраў Беларусі Уладзімер Макей. Анансаваны ўдзел Аляксандра Лукашэнкі.

Адзін з удзельнікаў акцыі, анархіст Вячаслаў Касінераў, патлумачыў, чаму пратэстоўцы ў грыме: «Клоўны ня мы, а тыя, хто трывае дыктатуру, супрацоўнічае зь ёй», сказаў ён, маючы на ўвазе ўдзельнікаў форуму.

Калі актывісты запалілі каляровыя фаеры, да іх адразу падышлі міліцыянты.

Каля 15-й гадзіны ўдзельнікі акцыі разышліся. Абышлося без затрыманьняў.


Джокер — герой папулярных коміксаў, шэрагу фільмаў і мультфільмаў пра Бэтмэна, а таксама нядаўняга мастацкага фільму «Джокер». У фільме псыхічна хворы Джокер робіцца кумірам разбуральных масавых пратэстаў.

«Менскі дыялёг» — канфэрэнцыя замежных і беларускіх экспэртаў, якая ўжо другі год праводзіцца ў Менску з удзелам прадстаўнікоў беларускай улады. Сёлетняя тэма канфэрэнцыі — «Эўрапейская бясьпека: адысьці ад краю прорвы».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG